Les mots surlignés font l'objet d'une note
1Monsegneur, jey receu la votre du VIIe. Quant à Mathieu,
2il ma envoyé quil sera icy demein, mais je me
3doubte que le prieur de Chesilienne ne puisse pas venir. Il me
4souffiroit avoir ce pourteur, filz du greffier de Laval,
5lequel jenvoyeroys à Jarrie et le filz de lhuyssier
6le Prehault jenvoyeroys à Meylans. Si par fortune
7le prieur venoit je aurey assés besogné ou lemployer.
8Le grangier des Granges ma promis de me venir ayder,
9lequel est feable pendant que nous vendangerons
10aux Coustes. Quant aux thoneaulx de Lambin et
11de La Terrasse, nous avons assés temps
12de les faire relier ainsi que nous y vendangerons,
13pourveu que les tines soient prestes et ny fault
14que mectre deau, comme je masseure
15quilz seront, daultant que je ney bailhé
16charge au reste. Les ouvriers du pressoir
17ce sont retirés à La Terrasse, lesquelz ont
18faict ungfort beau ovrage de pressoir, prest
19à servir, lesquelz jey payé. Quant à la chert
20sallée, il ny a point sabas que du lard et
21jambions. Si madame Marie en veult,
22je luy en ferey tenir. Vous y trouverrés
23du boys fort bon et sec pour quelque
24temps à La Terrasse. Et si, par fortune, vous
25y faictes long sejour, jenaurey bien toust
26faict faire. Jehan Deyme et le filz de
27Sernin de La Betiene me doibvent venir
28trouver avec leurs bestes pour charrier
29la vendange des Coustes. Il vous plerra
30le leur faire dire par quelqung. Et silz ne
31venoient men faire advertir affin que
32jen prenne daultres. Quest tout
33ce que je vous puis escripre, après
34avoir prié le Createur
35monsegneur, vous avoir en sa sainte
36garde. De Grenoble, ce VIIIe septambre
37votre humble et
38obeyssant serviteur
39jehan de brunel